Општина Делчево: Одржана работилница на тема Регионален маркетинг во Штип

Општи податоци за Делчево

Во најисточниот дел на Р.Македонија, по горниот тек на реката Брегалница, помеѓу планините Голак и Влаина е распространета Делчевската општина.Поголемиот дел од населените места се наоѓаат во Пијанечката Котлина, а помал број по разграноците на Осоговската Планина. Високата планинска котлина Пијанец, се наоѓа на надморска височина од 576-650 m, и се простира во должина на околу 15 km а во широчина 4-5 km. На север и североисток, од коритото на Брегалница, котлината се издига со благи ридови што претставуваат врска помешу Осоговските и Малешевските планини и вододелницата на реките Струма и Вардар. Од југ, котлината е заградена со ридот Бејас Тепе, од југозапад со планината Голак. На север во должина од 30 km постепено се издигаат голите ридчести падини на југоисточните делови на планината Осогово. Овој дел го носи името Осоговија. Преку Долините на реките Брегалница и Желевица, Пијанец на југ е поврзан со повисоката Малешевска Котлина, а на запад по долината на Брегалница со многу пониското Кочанско Поле. На исток Преку планинскиот пресек Арнаутски Гроб, Пијанец е поврзана со Благоевградската Котлина во Пиринска Македонија. На југ се граничи со со општините Пехчево и Берово, на запад со општината Виница, на северо – запад со општината Македонска Каменица, а на исток и северо исток со Република Бугарија. Опкружена е со Планините Голак (на запад), Влаина (на Исток) Осоговските планини (на Севе р) и Малешевските Планини (на Југ). Општината Делчево до 1996 година зафаќаше површина од 589 km² или 2,3 % од територијата на државата. Со новата територијална поделба на Република Македонија, од општина Делчево е издвоена општината Македонска Каменица, така што таа денес зафаќа територија од 423 km² . Покрај општинскиот центар Делчево, во општината има и 21 селска населба. По големина на територија и број на население, општината се вбројува во помалите општина во Република Македонија.

Според податоците од пописот во 2002 година и во согласност со промените настанати со новата територијална поделба на Република Македонија, вкупниот број на население во општина Делчево изнесува 17.505, жители од кои 11.305 или 59, 5 % се градско (живеат во општинскиот центар градот Делчево) и останатите 40,5 % селско население кои живеат во руралните места. Густината на населеност во општината изнесува 42 жители на 1 km² и е за 1,8 пати помала од просечната густина во Република Македонија. Природниот прираст на населението во општина Делчево во 1998 година изнесувал 0,8 и е далеку понизок од просекот во Република Македонија, кој изнесувал 6,2. Според податоците од пописот, во националната структура на населението на општината доминира македонското население со учество од 96,4 %. Исто така е утврдено дека просечниот број на жители по домаќинство на ниво на општината изнесува 3,52 при што 3, 55 членови по домаќинство во градот и 3,48 членови по домаќинство во руралните средини. Резлутатите од следењето на демографската состојба во општината укажуваат дека 9 селски населби ( Ветрен, Вратисловци, Илиово, Киселица, Косово Дабје, Нов Истевник, Очипала, Селник и Стар Истевник ) со вкупно население од 1.102 жители, или 15,4 % од селското население немаат перспектива и се осудени на бавно биолошко изумирање, 6 селски населби ( Бигла, Вирче, Град, Драмче, Тработивиште и Чифлик ) со вкупно население од 2.698 жители, или 37,6% од селското население, можат да се одржат доколку благовремено се помогне нивниот стопански развој, а во 5 селски населби ( Габраво, Звегор, Разловци, Стамер и Турија) со вкупно население од 3.256 жители, или 45,4% од селското население, преовладува работоспособното население и населението од возрасни групи до 17 годин, што овозможува сигурен опстанок и развој на овие рурални населби во наредниотпериод.Во општината е регистрирано постоење на дневна миграција село - град , односно секојдневно доаѓање во Делчево на 300 до 400 вработени лица кои живеат во руралните населби на општината. Од анализа на структура на населението е утврдено дека учеството на работоспособнто население и младото население е повисоко во градот во однос на руралните средини. Просечното учество на младата популација на ниво на општината од 27,6% упатува на поволни можности што ги нудат човечките ресурси, како фактор за остварување на идниот економски развој. Согласно планските предвидувања, населението во градот ќе се зголеми во 2010 година, во однос на 1994 година за 13,7 % , а во 2020 година за 29,8 % . Порастот на руралното население ќе биде со побавно темпо и за претходно наведените реперни години зголемувањето ќе изнесува 11,5 % односно 15,7% соодветно.

U.S.C.- Delcevo HTML кодови

Во организација на Центарот за развој на Источниот плански регион во соработка со ГТЗ РЕД програмата за регионален развој во Македонија, во Штип од 20 до 23 Јуни, се одржа работилница на тема Регионален маркетинг.

На работилницата имаше учесници од речиси сите општини од Источниот плански регион, како од Единиците на локална самоуправа така и претставници од невладиниот и приватниот сектор. Како модератори на работилницата беа Уве Крапиц (Германија), Ана Муришич (Хрватска) и Ана Дамовска (Македонија).
Повеке инфо на www.delcevo.gov.mk.

Општина Делчево

Top Menu

Официјален сајт на општина Делчево

Добредојдовте !

Корисни линкови

Општи податоци за Делчево

Категории на написи

Главно мени

Администратор

Архива на постари статии

Одржана работилница на тема Регионален маркетинг во Штип

Friday, June 25, 2010

0 коментари:

Post a Comment

Преведи сајт

Точно време

Галерија на фотографии од Делчево

Најава на настани 1

Слики од Музеј во Делчево

Најава на настани 2

Бисерот на Пијанец-КОПАЧКАТА од с.Драмче

Најава на настани 3

Авторско укажување